Povestdə 1918-ci ildə və 1920-ci ilin sentyabr-oktyabr aylarında Karqinski stanitsasında baş verən, gələcək yazıçının şahidi və iştirakçısı olduğu hadisələrdən bəhs edilir.
Ağ kazaklar tərəfindən qətlə yetirilmiş Foma Kremnyovun oğlu olan Pyotr Kremnyov obrazı əsas diqqət mərkəzidir. Qırmızılar gələndən sonra o, Rusiya Kommunist Gənclər İttifaqının stanitsadakı özəyinin katibi olur və 1920-ci ilin payızında maxnoçulara əsir düşür. Əsərin finalında Pyotrun təbliğatı nəticəsində əqidəsini dəyişmiş yüzlərlə qiyamçı yerli sovxozun müdafiəçilərinə təslim olur.
